Sydney Fish Market 〜 街市行情

  因家居離著名的「悉尼魚市場」有一段距離（半小時車程）所以只是久不久, 揸車去食吓海鮮，買吓嘢咁啦。

  
   除了當地人之外，一般遊覽 悉尼/黃金海岸的旅行團，大清早到達悉尼首站便是走訪鮮魚巿場，而自遊行的團體也多以此地為悉尼旅遊的終點站，來一頓自費海鮮餐，才直奔機場（只需要三十分鐘左右）。
 
   用人山人海嚟形容，那種好似賓墟的場面，實不為過，相片係午餐後，下午三時後才拍攝的，所以人流已經相繼疏散，假若可以抵抗肚皮打鼓之苦，在中午時份先拍照後午餐，一定驚嚇度爆燈。

    一切海鮮以時價收費，假若要即買即食，就加收 $10/一公斤 的加工費，就以一隻皇帝蟹為例，約莫收多你 $40 至 $50 澳元不等 。

   （話說當年，皇帝蟹初上市之時，體積相當龐大，普通一隻也有十公斤，但時至今天，一般只有五公斤左右,  是否因為饕客的需求量實在太大，導致近年皇帝蟹的體積，也越來越小呢？）
 

 
   今日兩口子，買咗隻泥蟹 （唔係十分當造，等多一/兩個月會好食啲） 加上一隻青邊鮑魚，盛惠 $120。
   吩咐青邊鮑要用薑蔥，但弄錯了變成 XO 醬洋蔥，也就將錯就錯啦，只不過味道太搶，鮑魚鮮味被埋沒了，可惜可惜！
 

 
   之後再買了兩隻,  阿拉斯加長腳蟹腳 $15， 半打悉尼石蠔 $8
 

 
   魚市場內販賣，香港人喜愛的,  星班、龍蝦、澳洲生蠔、三文魚、吞拿魚、還有 昆士蘭省的扁平大頭蝦 Moreton Bay Bugs （琵琶蝦）、近年大熱的阿拉斯加長腳蟹腳 .......  等等，應有盡有。
 

 
   三文魚頭，就被啲亞洲人食貴哂 （什麼 豉汁蒸三文魚頭腩、照燒汁三文魚頭 之類）從最初移民時，可以買魚送魚頭，到現在賣五至七蚊一公斤，真係有市有價㗎！
 
   因為等候廚房需時，兩小時飛快過去，泊車消費  $13 大元。
 

 
   魚市場有： 海鮮店舖、麵包店、酒館、中式茶樓、小食部、日本料理店、即食魚生吧、快餐店，就是少了似樣的甜品店，所以身邊的甜魔提議去 Maisys 24 食甜品 ..........
 
   以前曾經詳細介紹過此餐廳 http://foodblogs84.blogspot.com.au/2013/01/maisys24.html#more
 
   暖烘烘香甜濃郁至極點的朱古力 Mud Cake 爛泥蛋糕，裡面仍然濕潤無比，苦澀的黑朱古力淋醬，混和香滑得要命的雲呢嗱雪糕，檯面上只有兩支正在拼命地交戰的匙羮，其餘的也變得不再重要了 ........

(☆_☆)  篇幅有限，其餘精彩相片，將在 Facebook 內發放

 
在 Facebook 專頁，右上角  "按 LIKE"  繼續與我一起分享，更多更詳盡的飲食資訊、生活點滴、海外遊蹤 ......
 
面書：
https://www.facebook.com/WeiShiDancingQueen
 
微博：
http://weibo.com/dancingqueen82