東泰林 ~ 豈有此理的煲仔飯

   這間位於北岸 Chatswood 的食肆，以其燒臘食品掛帥，另外加上家鄉小炒作招徠，食物有一定的水準，顧客包括各 「色」 人種，Dancing queen 及家人也是他們的常客。   

   今日剛剛 shopping 完畢，肚子打鼓投訴係時候要對它有點貢獻了，老公想試試他們的秋冬系列 煲仔飯，（按：澳洲現在正直冬季），沒有異議底下點了一個 臘鴨肶煲仔飯、一個 牛筋腩河粉 和 港式奶茶 。
 

   先來一碗外貌不錯的 牛筋腩河粉，細細咀嚼一番，可嘆是牛筋過火，入口是杰塌塌一堆黏黏稠稠的東西，完全沒有咀嚼感，其次是牛腩韌到咬唔開，幾經辛苦也未能將它分解，唯有成嚿吞？

   港式奶茶，用形容女孩子眼睛的字眼來形容它最貼切不過，水汪汪的港式奶茶？ 味道？ 不香濃、不滑溜。。。
   唉！做個香港人多幸福，飮港式奶茶是容易不過的事。
 

   等了半小時的 臘鴨肶煲仔飯 終於登場了，打開煲蓋當堂儍了眼，只有幾條臘腸、膶腸，哪兒有臘鴨肶的蹤跡？細問之下原來同隔離食客掉換錯了，服務員取走後只消五分鐘便從新送上，煲內的臘鴨肶擺放得雜亂無章，而且像是被滾水燙過一樣，白雪雪冇味冇道。（白）飯放煲內烘下個底就上桌，飯粒一 d 都唔黐煲，咁樣煮煲仔飯？ 我都識啦，簡直豈有此理，以後唔會再幫襯。
 

   口味是一樣非常個人化的感覺，但凡是能令我吃得開懷，甚至要 encore 的便是我所謂之美食，但這一餐絕對不是！


Dancing queen 的飯後感：
色、香、味，俱佳  ~ （精彩）
色、香、味，頗佳  ~ （不錯）
色、香、味，欠佳  ~ （普通）