在悉尼唐人街做生意，競爭越嚟越大，又要平又要靚、最好重係大大碟添，於是乎食肆唯有各自使出奇招，希望可以招徠客戶。
Sushi Rio 是以 $3 一碟做賣點 （因一般壽司店，取價 $2.70 至 $6.80 不等） 不設時段，全日供應的 迴轉壽司店。
大部份食物都會在輸送帶上找得到，比較有特色的，或者是價錢不一樣的，也可以在牆壁上之，是日精選黑板 或 餐牌上看到，然後自行落單。
最抵食 〜 元貝握壽司，厚厚的元貝起雙飛，鮮甜爽嫩，一共食咗三碟才滿足。
最好食 〜 鰤魚握壽司，可能時間關係，起初要向師傅落單，到大約六點鐘，輸送帶上也有得供應，我的最愛，爽脆肥美、清甜油潤，連盡兩碟才罷休。
最新鮮 〜 鮭魚握壽司，可以用來照鏡的鮭魚片，油光滿佈表面，新鮮到不得了，點會唔好食？
最好飲 〜 韓式泡菜湯，用料超多，有豆腐、豆芽、豚肉、醃蘿蔔、韓式泡菜、加上濃甜的柴魚昆布，用慢火熬製的高湯，$3？ 想 encore 但肚皮不爭氣哦 !
最難食 〜 海膽軍艦巻，一句唔新鮮，已經道盡它有幾難食，入口想吐，就是我的食後感，係澳洲試過好多次，但都吃不到滿意的。
食壽司本來就不用裝秀氣了，可以用手抓緊送入口中，但澳洲人始終未能接受如此豪邁的食法，自己也不敢太過標奇立異，只好跟隨其他人，用筷子吧，但吃得不夠痛快。
十分懷念遊歷日本時，坐係壽司吧檯前，一手一件的美妙時刻！
最普通 〜 甜蝦揚物、蟹肉揚物，非常油膩，味道亦不甚顯著。
最肥人 〜 抹茶特飮 $4.80，濃稠的抹茶奶昔、綿蜜的紅豆蓉、特濃忌廉加上雪糕球，嘩！ 好好飲，但勁肥，睇嚟跟著的幾天也要食素，才可以對衡今餐的罪惡感。
最昂貴 〜 雜錦魚生 $10.90（向師傅落單的餐牌菜餚）
有 ： 鮭魚、鮪魚、元貝、虎蝦，鮭魚卵 及 蔥花，各物也甘香、油潤、新鮮、甜美，口感不錯。
但份量不大，相比下似乎輸送帶上，$6.50 一份的，更抵食！
在 Facebook 專頁，右上角 "按 LIKE" 繼續與我一起分享，更多更詳盡的飲食資訊、生活點滴、海外遊蹤 ......
面書：
https://www.facebook.com/WeiShiDancingQueen
微博：
http://weibo.com/dancingqueen82
飯後感：（不錯）
推介菜式： 鯵魚握壽司、元貝握壽司、鮭魚握壽司、韓式泡菜湯
消費 $21
Shop 7, 339 Sussex Street, Sydney, NSW 2000
Tel： +61 2 9261 2388
Dancing queen 的飯後感：
色、香、味，俱佳 ~ （精彩）
色、香、味，頗佳 ~ （不錯）
色、香、味，欠佳 ~ （普通）
沒有留言:
發佈留言